ܪܒܢ ܗܘܪܡܙܕ
(ܡܢ ܟܬܒܐ ܬܫܥܝܬܐ ܕܥܡܠܘ̈ܗܝ ܐܠܗ̈ܝܐ ܘܕܘܒܪܘܗܝ ܬܡܝܗ̈ܐ ܪܒܢ ܗܘܪܡܝܙܕ )
ܥܠ ܓܢܣܗ ܘܐܬܪܗ ܕܗܘ ܫܝܪܙ
ܩܫܐ ܢܘܐܝܠ ܓܘܪܓܝܣ ܕܝܪܝܐ
ܓܢܣܗ ܕܝܢ ܕܛܘܒܢܐ ܪܒܢ ܗܘܪܡܝܙܕ ܡܢ ܐܬܪܐ ܕܗܘ̈ܙܝܐ. ܡܢ ܒܝܬ ܠܦܛ ܡܕܝܢܬܐ
ܕܗܝ ܫܝܪܙ ܐܒܗܘܗܝ ܕܝܢ ܕܛܘܒܢܐ ܐܝܬܝܗܘܢ ܗܘܘ ܕܟܪܝܣܛܝܢܐ ܫܪܝܪܝ
ܒܗܝܡܢܘܬܗܘܢ. ܒܥܘܬܪܐ ܠܡ ܕܥܠܡܐ ܕܥܒܪ ܘܡܫܬܪܐ ܣܓܝ ܟܗܝܢܝܢ ܗܘܘ. ܥܒܕܐ
ܘܐܡܗܬܐ ܩܕܡܝܗܘܢ ܩܝܡܝܢ ܗܘܘ. ܘܐܦ ܡܫܡܫܝܢ ܗܘܘ ܗܘܢ ܒܕܚܠܬܐ. ܦܠܚܝܢ ܗܘܘ
ܕܝܢ ܐܒܗܘܗܝ ܦܘܠܚܢܐ ܕܡܠܐܟ̈ܐ. ܒܨܘܡܐ ܘܒܨܠܘܬܐ. ܟܕ ܡܪܘܚܝܢ ܥܠ ܣܢܝܩ̈ܐ
ܘܥܠ ܡܣܟܢ̈ܐ ܘܒܝܫ̈ܐ. ܘܣܥܪܝܢ ܗܘܘ ܐܠܝܨܐ.
ܫܡܗ ܕܝܢ ܕܐܒܘܗܝ ܝܘܣܦ ܘܕܐܡܗ ܬܩܠܐ. ܛܠܝܐ ܕܝܢ ܟܕ ܗܘܐ ܘܡܛܐ ܠܡܫܘܚܬܐ
ܕܬܪܥܣܪ ܫܢܝܢ ܐܥܠܘܗܝ ܠܐܣܟܘܠܐ ܕܢܐܠܦ ܡܙܡܘܪ̈ܐܘ ܘܢܬܕܪܫ ܒܝܘܠܦܢܐ ܪܘܚܢܝܐ.
ܘܗܟܢܐ ܡܢ ܕܟܬܪ ܬܡܢ ܒܝܘܠܦܢܐ ܫܬ ܫܢܝܢ. ܬܢܐ ܐܢܘܢ ܠܡܙܡܘܪܐ ܘܠܚܕܬܐܡܢ
ܦܘܡ. ܘܒܗܘܢ ܦܠܚ ܗܘܐ ܛܠܝܐ ܒܠܠܝܐ ܘܒܐܝܡܡܐ. ܡܢ ܕܝܢ ܕܡܠܝ ܫܢܝ ܚܝܘܗܝ ܬܡܢ
ܐܝܟ ܒܪ ܥܣܪܝܢ ܫܢܝܢ. ܫܪܝܘ ܡܬܬܙܝܥܝܢ ܒܗ ܙܘܥܐ ܟܝܢܝܐ ܕܕܚܠܬ ܐܠܗܐ. ܗܢܘܢ
ܕܐܬܟܝܢܘ ܒܢ ܒܟܝܢ ܒܪܝܬܢ ܡܢ ܐܠܗܐ ܒܪܘܢܐ ܕܟܝܢܢ.ܘܒܐܡܝܢܘ ܗܟܢܐ ܠܐܒܗܘܗܝ
ܢܒܗܝܢ ܗܘܘ ܒܗ ܪܬܚܐ ܗܠܝܢ. ܘܒܐܡܝܢܘ ܠܐܒܗܘܗܝ ܗܟܢܐ ܐܡܪ ܗܘܐ. ܕܐܢܐ ܠܡ
ܝܚܝܕܝܐ ܗܘܐ ܐܢܐ. ܒܚܕܘܬܐ ܠܡܦܠܚ ܠܡܪܝܐ ܐܝܟ ܨܒܝܢܗ ܡܛܝܒ ܐܢܐ. ܒܗܢܐ
ܚܘܫܒܐ ܕܕܚܠܬ ܐܠܗܐ ܘܪܚܐ ܕܟܐܢܘܬܐ: ܒܢܘܪܐ ܐܠܗܝܬܐ ܠܒܗ ܪܬܚ ܗܘܐ ܒܠܠܝܐ
ܘܒܐܝܡܡܐ. ܘܠܗܝܩ ܗܘܐ ܘܡܣܟܐ: ܘܐܡܬܝ ܢܩܒܠ ܐܣܟܡܐ ܗܢܐ. ܡܪܢ ܕܝܢ ܕܝܕܥ
ܡܚܫܒܬܗ ܕܛܠܝܐ: ܘܕܥܗܢ ܠܐܝܩܪ ܬܫܡܫܬܗ: ܘܠܒܝܬܘܬܐ ܕܡܪܘܬܗ: ܟܕ ܒܡܠܦ ܫܢܬܐ
ܥܡܝܩܬܐ ܥܠ ܐܢܫܐ: ܕ ܒܩܝܛܘܢܐ ܕܒܝܬ ܐܒܗܘܗܝ ܡܓܣ ܗܘܐ: ܘܒܢܣܬܐ ܥܡܝܩܬܐ ܛܒ
ܡܥܪܦܠ ܗܘܐ: ܘܥܠ ܪܫ ܡܫܟܒܗ: ܐܬܚܙܝ ܠܗ ܚܙܘܐ ܡܢ ܡܪܢ: ܟܕ ܝܬܒ ܥܠ ܬܪܘܢܘܣ
ܕܫܘܒܚܐ ܕܐܝܩܪܗ. ܚܝܠܘܬܐ ܕܝܢ ܫܡܝܢܐ ܩܝܡܝܢ ܩܕܡܘܗܝ: ܘܡܩܕܫܝܢ ܠܪܒܘܬܐ
ܕܚܙܘܗ. ܘܡܢ ܕܐܬܚܝܕܘ ܙܘܥܙ ܡܦܫܗ ܒܚܠܝܘܬܐ ܕܚܙܘܐ ܕܥܠܘܗܝ: ܦܩܕ ܟܐܡܬ ܡܠܟܐ
ܗܘ ܕܬܫܒܘܚܬܐ: ܘܒܬܗܪܐ ܕܠܐ ܕܡܘ ܕܚܙܬܐ ܕܪܘܚܢܐ ܒܟܝܢܗܘܢ ܦܪܚ ܚܕ ܡܢ ܪܘܚܢܐ
ܗܢܘܢ ܕܩܝܡܝܢ ܩܕܡ ܡܠܟܐ ܡܫܝܚܐ ܘܩܡ ܩܕܡܘܗܝ. ܘܥܢܐ ܘܐܡܪ ܠܗ. ܒܪܢܫܐ ܡܢܐ
ܩܐܡ ܐܢܬ ܒܐܬܪܐ ܕܠܐ ܕܝܠܟ: ܕܐܝܬܘܗܝ ܐܬܪܐ ܕܪܘܚܢܐ: ܘܥܢܐ ܘܐܡܪ ܠܗ
ܠܘܪܚܢܐ. ܡܛܠ ܕܩܛܝܪܐ ܫܩܠܢܝ ܡܢ ܐܬܪܐ ܕܝܠܝ: ܘܪܬܪܐ ܗܢܐ ܐܣܡܟܢܝ. ܐܠܐ ܠܐ
ܬܗܪܝܢܝ ܒܥܐ ܐܢܐ ܡܢܟ. ܘܥܢܐ ܪܘܚܢܐ ܘܐܡܪ ܠܗ: ܠܐ ܬܕܚܠ ܒܪܢܫܐ ܡܛܠ ܕܐܢܐ
ܠܡܫܒܠܘܬܟ ܒܐܬܪܐ ܗܢܐ ܐܬܚܙܝܬ ܠܟ ܘܠܘ ܠܡܗܪܘܬܟ ܐܝܟ ܕܐܡܪܬ. ܐܠܐ ܠܐ ܐܗܪܬܟ
ܥܕܡܐ ܠܗܫܐ ܘܥܡ ܡܡܠܠܗܘܢ ܕܥܡ ܚܕܕܐ: ܡܢܫܠܝ ܐܬܚܙܝ ܒܐܝܕܗ ܕܝܡܝܢܐ ܕܪܘܚܢܐ:
ܟܠܝܠܐ ܚܕ ܫܒܝܚܐ ܘܗܕܪܐ ܕܕܗܒܐ ܒܚܝܪܐ. ܘܥܢܐ ܪܘܚܢܐ ܘܐܡܪ ܠܗ ܠܥܠܝܡܐ ܚܙܝ
ܥܠܝܡܐ ܦܐܝܐ ܒܚܙܘܗ ܠܗܢܐ ܟܠܝܠܐ ܕܒܝܡܝܢܝ ܠܒܝܟ ܐܢܐ. ܐܢܗܘ ܕܩܢܐ ܐܢܬ
ܕܢܗܘܐ ܕܝܠܟ ܝܗܒܢܐ ܠܗ ܠܟ، ܐܢܗܘ ܕܩܢܐ ܐܢܬ ܓܦܐ ܪܘܚܢܐ ܐܝܟ ܗܠܝܢ ܕܝܠܝ ܣܒ
ܘܢܗܘܐ ܕܝܠܟ. ܥܢܐ ܗܘ ܘܐܡܪ ܠܗ ܡܕܝܢ ܗܒ ܠܝ ܡܪܝ ܘܡܠܐܟܐ ܡܚܕܐ ܣܡܗ ܒܪܫܗ
ܕܥܠܝܡܐ ܘܒܗ ܒܫܥܬܐ ܢܗܪ ܟܠܝܠܐ ܗܘ ܒܪܫܗ ܕܥܠܝܡܐ ܘܝܗܒ ܬܫܒܘܚܬܐ ܪܘܚܢܐ
ܘܦܪܚ. ܘܡܚܕܐ ܐܬܬܥܝܪ ܡܢ ܫܢܬܗ ܘܩܘܝܬ ܥܠܘܗܝ ܡܚܫܒܬܗ ܘܐܬܐ ܠܘܬ ܢܦܫܗ ܘܝܠܦ
ܡܚܕܐ ܒܢܦܫܗ ܟܣܝܐܝܬ ܡܕܡ ܕܣܥܪܬ ܛܝܒܘܬܗ ܕܡܪܢ ܠܘܬܗ ܘܢܘܪܐ ܕܚܘܒܗ ܕܡܫܝܚܐ
ܪܬܚ ܗܘܐ ܒܙܘܥܝ ܢܦܫܗ ܟܣܝܐܝܬ ܘܠܐ ܓܠܐ ܠܒܣܪܐ ܘܕܡܐ ܚܙܘܐ ܫܡܝܢܐ ܕܠܗ
ܐܬܓܠܝ ܡܢ ܪܚܡܘܗܝ ܕܡܫܝܚܐ ܐܠܐ ܚܡܠܗ ܒܬܘ̈ܢܐ ܟܣܝܐ ܕܢܦܫܗ ܘܣܡ ܒܪܥܝܢܗ
ܛܠܝܐ ܕܢܐܙܠ ܠܐܘܪܫܠܡ ܘܢܨܠܐ ܒܕܘܟܝ̈ܬܐ ܩܕܝ̈ܫܬܐ ܐܝܠܝܢ ܕܣܥܪ ܒܗܝܢ ܡܫܝܚܐ
ܚܝܠܘܗܝ ܘܐܬܗܦܟ ܒܗܝܢ ܒܡܕܒܪܢܘܬܐ ܕܐܢܫܘܬܗ ܣܓܝܕܬܐ ܘܡܢ ܬܡܢ ܬܘܒ ܢܫܢܐ
ܠܡܕܒܪܐ ܕܐܣܩܝܛܐ ܘܢܥܡܪ ܥܡ ܐܒܗܬܐ ܩܕܝ̈ܫܐ ܕܬܡܢ ܠܡܫܝܚܐ ܦܠܚܝܢ ܒܚܕ ܡܢ
ܝܘܡܬܐ ܐܪܝܡ ܪܓܠܘܗܝ ܡܢ ܒܝܬ ܐܒܗܘܗܝ ܕܢܐܙܠ ܠܐܝܟܐ ܕܡܢ ܠܥܠ ܐܡܪܬ ܘܡܢ ܒܬܪ
ܝܘܢܬܐ ܬܠܬܝܢ ܘܫܒܥܐ ܕܡܪܕܝܬܐ ܕܐܘܪܚܗ ܐܬܡܢܥ ܘܡܛܐ ܠܡܘܨܠ ܡܕܝܢܬܐ ܕܒܐܬܪܐ
ܕܢܝܢܘܐ.
ܪܒܢܘܬܐ ܒܬܪ ܡܘܬܐ ܕܪܒܢ ܗܘܪܡܙܕ
