ܚܕܒܫܒܐ ܕܫܒܼܥܐ ܒܬܪ ܕܕܢܚܐ
ܐܝܟ ܣܘܪܓܕܐ ܛܟܼܣܝܐ ܕܥܕܬܐ ܩܕܝܫܬܐ ܩܬܘܠܝܩܝܬܐ ܕܟܼܠܕܝ̈ܐ
ܐܒܐ ܢܘܐܝܠ ܓܘܪܓܝܣ ܕܝܪܝܐ
ܕܟܝܘܬܐ ܕܓܘܪܒܐ
ܐܘܢܓܠܝܘܢ ܩܕܝܫܐ ܕܡܪܢ ܝܑܫܘܥ ܡܫܝܚܐ ܟܪܘܙܘܬܐ ܕܡܬܝ (ܚ:ܐ ـ ܝܓ)
ܟܕ ܕܝܢ ܢܚܬܼ ܡܢ ܛܘܼܪܐ ܢܩܦܘܗܝ ܟܢܫܐ ܣܓܝ̈ܐܐ. ܘܗܐ ܓܪܒܐ ܚܕ ܐܬܼܐ ܣܓܼܕ ܠܗ
ܘܐܡܪ: ܡܪܝ ܐܢ ܨܒ݁ܐ ܐܢ̄ܬ ܡܫܟܚ ܐܢ̄ܬ ܠܡܕܟܝܘܬܝ. ܘܦܫܛ ܐܝܕܗ ܝܑܫܘܥ ܩܪܒܼ ܠܗ
ܘܐܡܪ: ܨܒܼܢܐ ܐܬܕܟܐ. ܘܒܼܗ ܒܫܥܬܐ ܐܬܕܟܝ ܓܪܒܗ. ܘܐܡܪ ܠܗ ܝܑܫܘܥ: ܚܙܝ ܠܡܐ ܠܐܢ̄ܫ
ܐܡܪ ܐܢ̄ܬ، ܐܠܐ ܙܠ ܚܘܐ ܢܦ̮ܫܟܼ ܠܟܼܗܢ̈ܐ ܘܩܪܒܼ ܩܘܪܒܢܐ ܐܝܟ ܕܦܩܕ ܡܘܫܐ
ܠܣܕܘܬܼܗܘܢ.
ܟܕ ܥ݂ܠ ܕܝܢ ܝܑܫܘܥ ܠܟܼܦܪܢܚܘܡ، ܩܪܒܼ ܠܗ ܩܢܛܪܘܢܐ ܚܕ ܘܒܥܐ ܗ̄ܘܐ ܡܢܗ ܘܐܡܪ:
ܡܪܝ. ܛܠܝܝ ܪܡܐ ܒܒܝܬܐ ܘܡܫܪܝ ܘܒܼܝܫܐܝܬܼ ܡܫܬܢܩ. ܐܡܪ ܠܗ ܝܫܘܥ: ܐܢܐ ܐܬܐ
ܘܐܣܝܘܗܝ. ܥܢܐ ܩܢܛܪܘܢܐ ܗܘ ܘܐܡܪ: ܡܪܝ. ܠܐ ܫܘܐ ܐ̄ܢܐ ܕܬܥܘܠ ܬܚܝܬ ܡܛܠܠ̄ܝ، ܐܠܐ
ܒܠܚܘܕ ܐܡܪ ܒܡܠܬܐ ܘܢܬܐܣܐ ܛܠܝܝ، ܐܦ ܐܢܐ ܓܝܪ ܓܒܼܪܐ ܐ̄ܢܐ ܕܬܚܝܬ ܫܘܠܛܢܐ، ܘܐܝܬܼ
ܬܚܝܬܼ ܐܝܕܝ ܐܣܛܪܛܝܘܛܐ، ܘܐܡܪ ܐ̄ܢܐ ܠܗܢܐ ܕܙܠ ܘܐܵܙܠ. ܘܠܐܚܪܢܐ ܕܬܼܐ ܘܐܵܬܐ.
ܘܠܥܒܕܝ ܕܥܒܕ ܗܕܐ ܘܥܒܕ. ܟܕ ܫܡܥ ܕܝܢ ܝܑܫܘܥ ܐܬܕܡܪ ܘܐܡܪ ܠܕܐܬܝܢ ܥܡܗ: ܐܡܝܢ ܐܡܪ
ܐ̄ܢܐ ܠܟܼܘܢ ܘܐܦܠܐ ܒܝܣܪܝܠ ܐܫܟܚܬܼ ܐܝܟ ܗܕܐ ܗܝܡܢܘܬܼܐ. ܐܡܪ ܐ̄ܢܐ ܠܟܼܘܢ ܕܝܢ:
ܕܣܓܝ̈ܐܐ ܢܐܬܼܘܢ ܡܢ ܡܕܢܚܐ ܘܡܢ ܡܥܪܒܼܐ ܘܢܣܬܡܟܼܘܢ ܥܡ ܐܒܼܪܗܡ ܘܐܝܣܚܩ ܘܝܥܩܘܒܼ
ܒܡܠܟܘܬܼܐ ܕܫܡܝܐ، ܒܢ̈ܝܗ ܕܝܢ ܕܡܠܟܘܬܼܐ ܢܦܩܘܢ ܠܚܫܘܟܼܐ ܒܪܝܐ ܬܡܢ ܢܗܘܐ ܒܟܼܝܐ
ܘܚܘܪܩ ܫܢ̈ܐ. ܘܐܡܪ ܝܑܫܘܥ ܠܩܢܛܪܘܢܐ ܗܘ: ܙܠ. ܐܝܟܢܐ ܕܗܝܡܢܬ ܢܗܘܐ ܠܟܼ. ܘܐܬܼܣܝ
ܛܠܝܗ ܒܗ݁ ܒܫܥܬܐ.
ܩܕ̄ܡܝܐ ܓܘܪܒܐ ܐܝܘܐ ܡܪܥܐ ܘܟܘܪܗܢܐ ܒܫ ܥܲܓ̰ܵܒܵܐ ܡܢ ܟܠܝ ܡܪܥܐ، ܡܣܒܒ ܒܪܢܫܐ
ܟܦܝܫܘܐ ܛܪܝܕܐ ܡܢ ܟܢܫܘܝܐ ܘܡܪܚܩܐ ܘܣܢܝܐ ܡܢ ܐ̄ܢܫ̈ܐ. ܐܝܘܐ ܚܫܝܒܼܐ ܐܝܟ ܡܝܬܼܐ،
ܡܝܬܼܐ ܒܸܪܟܼܵܫܵܐ ܒܓܘ ܒܪܝܐ، ܡܝܬܐ ܕܠܐ ܩܒܼܪܐ. ܟܝܡܪ ܣܦܪܐ ܕܟܗ̈ܢܐ:
"ܓܪܒܐ
ܗ̄ܘ ܓܒܼܪܐ ܗܘ: ܘܛܡܐܐ ܗ̄ܘ ܢܛܡܐܝܗ ܟܗܢܐ، ܡܛܠ ܕܡܚܘܬܐ ܒܪܫܗ ܗ̄ܝ. ܘܐܝܢܐ ܕܓܼܪܒܼ
ܘܐܝܬܼ ܒܗ ܡܚܘܬܐ، ܡܐܢܘܗܝ ܢܗܘܘܢ ܡܦܪܡܝܢ، ܘܪܫܗ ܢܗܘܐ ܦܪܝܥ، ܘܥܠ ܣܦܘܬܗ ܢܬܥܛܦ،
ܘܛܡܐܐ ܢܩܪܐ ܢܦ̮ܫܗ. ܟܠ ܝܘܡܬܐ ܕܐܝܬܼ ܒܗ ܡܚܘܬܐ، ܢܗܘܐ ܛܡܐ، ܡܛܠ ܛܡܐܐ ܗ̄ܘ
ܒܠܚܘܕܘܗܝ ܢܬܒܼ، ܘܠܒܼܪ ܡܢ ܡܫܪܝܬܐ ܢܗܘܐ ܡܘܬܒܗ"
(ܝܓ :ܡܕ ـ ܡܘ). ܒܕܡ ܓܪܟ ܕܚܗܐ ܬܐ ܓܝܢܗ، ܘܠܲܝܒܹܐ ܐ̄ܢܫܐ ܕܐܟܼܠ ܡܢܗ ܝܢ ܩܝܚ
ܒܓܘܗ. ܠܝܬ ܟܘܪܗܢܐ ܕܝܠܗ ܒܸܦܪܵܫܵܐ ܐ̄ܢܫܐ ܡܢ ܐܚܘܢܗ ܐ̄ܢܫܐ ܐܝܟ ܓܘܪܒܼܐ.
ܓܘܪܒܼܢܐ ܩܪܒܼܠܐ ܠܝܑܫܘܥ ܘܒܪܟܠܐ ܩܡܗ ܘܛܠܒ ܠܗ ܐܡܪ:
"ܡܪܝ
ܐܢ ܨܒ݁ܐ ܐܢ̄ܬ ܡܫܟܚ ܐܢ̄ܬ ܠܡܕܟܝܘܬܝ".
ܝܫܘܥ ܡܓ̰ܘܒܠܐ ܒܒܫܛܬܐ ܕܐܝܕܗ ܘܩܚܠܗ ܒܓܘܗ ܘܥܢܐ:
"ܨܒܼܢܐ
ܐܬܕܟܐ".
ܒܥܒܕܐ ܕܓܘܪܒܼܢܐ ܚܙܘܟܼ ܬܠܬܐ ܡܢܕܢܐ:
ܐـ ܣܢܝܩܝܠܗ ܠܥܘܕܪܢܐ: ܓܘܪܒܼܢܐ ܐܝܼܬܼܠܐ ܠܘܬܼ
ܝܑܫܘܥ ܒܬܘܼܟܠܵܢܵܐ ܘܗܝܡܢܘܬܐ ܕܐܢ ܝܑܫܘܥ ܟܸܒܹܗ، ܐܝܒܐ ܬܕ ܕܵܟܹܠܗ ـ ܡܢܛ݁ܦ݁ܠܗ.
ܡܣܒܒ ܐܬܗ ܚܝܠܐ. ܠܐ ܩܪܒܼܠܐ ܠܘܬܼ ܩܪ̈ܝܐ ܘܟܬܵܒܹ̈ܐ ܝܢ ܦܪ̈ܝܫܐ ܕܝܗܘܕܝ̈ܐ ܡܣܒܒ
ܝܕܥܘܐ ܡܵܚܲܝܠܐ ـ ܒܪܲܓ̰ܡܝܼܠܐ ܒܟܐܦܹܐ. ܝܑܫܘܥ ܥܒܼܕܠܗ ܡܢܕܝ ܕܠܝܘܐ ܒܪܵܝܵܐ.
ܡܣܒܒ ܠܝܬ ܣܝܵܓܼܵܐ ـ ܣܝܵܐܵܐ ܩܝܡܐ ܩܕ̄ܡ ܝܑܫܘܥ ܠܐܲܝܡܵܐ ܕܐ̄ܢܫܐ ܕܗܵܘܹܐ، ܐܦ
ܕܐܢ ܗܵܘܹܐ ܠܐ ܕܟܼܝܐ ܘܡܘܪܚܩܐ ܡܢ ܟܢܘܫܝܐ، ܡܣܒܒ ܣܢܝܩܝܠܗ ܠܥܘܕܪܢܐ ـ ܥܝܵܢܵܐ.
ܒ ـ ܐܬܹܗ ܠܒܐ ܡܟܝܟܼܐ: ܐܸܬܼܵܐ ܠܘܵܬܼ ܝܑܫܘܥ
ܒܡܟܝܟܼܘܬܼܵܐ، ܠܲܝܘܵܐ ܕܓܪܟ ܕܡܲܒܣܸܡܠܗ ܐܠܐ ܐܡܪ:
"ܡܪܝ
ܐܢ ܨܒ݁ܐ ܐܢ̄ܬ ܡܫܟܚ ܐܢ̄ܬ ܠܡܕܟܝܘܬܝ".
ܝܕܥܘܐ ܕܐ̄ܢܫܐ ܚܪ̈ܝܢܐ ܒܥܪܩܝܘܐ ܡܢܗ ܘܡܣܒܒ ܠܬܗ ܠܘܬܝܗܝܢ ܚܐ ܛܝܡܐ ܘܝܘܬܪܢܐ. ܐܠܐ
ܐܸܬܼܵܐ ܠܘܵܬܼ ܝܑܫܘܥ ܒܬܘܟܠܢܐ ܕܒܠܟܝ ܡܪܚܡ ܠܚܕ̄ܟܡܵܐ ܐ̄ܢܫܐ ܐܲܚܘܵܬܹܗ. ܐܬܹܗ
ܠܒܐ ܡܟܝܟܼܐ، ܐܝܕܥܠܗ ܕܝܟ ܚܙܐ ܐܘܪܚܗ ܠܘܬ ܝܑܫܘܥ.
ܓ ـ ܛܘܼܝܵܒܼܵܐ ـ ܚܨ݁ܘܪ ܩܕ̄ܡ ܐܠܗܐ: ܓܘܪܒܼܢܐ
ܟܕ ܐܝܬܠܗ ܠܘܬܼ ܝܑܫܘܥ ܡܚܙܝܠܗ ܐܝܩܪܐ ܬܐ ܝܑܫܘܥ،
"ܣܓܼܕ
ܠܗ"،
ܣܓܼܵܕܐ ܐܝܠܗ ܒܣ ܬܐ ܐܠܗܐ. ܐܝܕܥܠܗ ܛܘܼܝܵܒܼܵܐ ܩܕ̄ܡ ܝܑܫܘܥ ܐܝܠܗ ܛܘܼܝܵܒܼܵܐ
ܩܕ̄ܡ ܐܠܗܐ.
ܡܢ ܒܪܐ ܕܝܑܫܘܥ ܡܢ ܫܪܝܬܐ ܡܚܙܝܠܗ ܬܐ ܗܢܐ ܓܘܪܒܼܵܢܐ ܪܚܡܐ ܘܚܢܝܢܘܬܐ.
ܝܑܫܘܥ ܠܐ ܪܟܼܫܠܗ ܒܬܪ ܩܢܘܢܵܐ ܘܢܡܘܣܵܐ ܕܠܐ ܟܒܪܐ ܩܝܵܚܐ ܒܗܕܟܼܐ ܐ̄ܢܫܐ، ܐܠܐ
ܪܟܼܫܠܗ ܒܬܪ ܚܐ ܩܢܘܢܐ ܘܒܣ ܕܝܠܗ ܩܢܘܢܐ ܕܚܘܒܐ، ܕܝܠܗ ܩܕ̄ܡ ܟܠܝ ܢܡܘܣ̈ܐ
ܘܩܢܘܢ̈ܐ، ܡܣܒܒ ܟܕ ܐܬܝܐ ܥܕܢܐ ܕܥܘܕܪܢܐ ܘܡܣܥܘܕܐ ܒܪܢܫܐ ܕܝܠܗ ܣܢܝܩܐ ܓܪܟ ܠܐ
ܕܟܠܐ ܩܕܡܗ ܕܪܩܘܠܝܘܬܐ ܬܐ ܦܪܩܐ ܕܐܚܘܢܗ ܒܪܢܫܐ.
ܟܠ ܒܪܢܫܐ ܐܝܒܐ ܕܩܪܵܒܼ ܠܝܑܫܘܥ ܡܩܐ ܕܝܠܐ ܚܛܝܬܗ ܪܒܬܐ، ܡܣܒܒ ܝܑܫܘܥ ܐܝܬܠܗ ܬܐ
ܒܪܢܫܐ ܚܛܝܐ.
******************************************
