ܚܕܒܫܒܐ ܩܕܡܝܐ ܕܨܘܡܐ
ܐܝܟ ܣܘܪܓܕܐ ܛܟܼܣܝܐ ܕܥܕܬܐ ܩܕܝܫܬܐ ܩܬܘܠܝܩܝܬܐ ܕܟܼܠܕܝ̈ܐ
ܐܒܐ ܢܘܐܝܠ ܓܘܘܪܓܝܣ ܕܝܪܝܐ
ܐܘܢܓܠܝܘܢ ܩܕܝܫܐ ܕܡܪܢ ܝܫܘܥ ܡܫܝܚܐ ܟܪܘܙܘܬܼܐ ܕܡܬܝ (ܓ: ܝܘ ـ ܕ:ܝܐ)
ܢܣܝܘܢ̈ܐ ܝܗ̄ܒܼܠ ܚܝܠܐ ܠܗܝܡܢܘܬܐ
ܨܚܵܚܵܐ
ܟܕ ܥܡܕ ܕܝܢ ܝܫܘܥ ܡܚܕܐ ܣܠܩ ܡܢ ܡܝܐ ܘܐܬܦܬܚܘ ܠܗ ܫܡܝܐ ܘܚܙܐ ܪܘܚܐ ܕܐܠܗܐ ܕܢܚܬܐ
ܐܝܟ ܝܘܢܐ ܘܐܬܬ ܥܠܘܗܝ. ܘܗܐ ܩܠܐ ܡܢ ܫܡܝܐ ܕܐܡܪ: ܗܢܐ ܗ̄ܘ ܒܪܝ ܚܒܝܒܼܐ ܕܒܼܗ
ܐܨܛܒܼܝܬܼ. ܘܗܝܕܝܢ ܝܫܘܥ ܐܬܕܒܼܪ ܡܢ ܪܘܚܐ ܕܩܘܕܫܐ ܠܡܕܒܪܐ ܕܢܬܼܢܣܐ ܡܢ
ܐܟܼܠܩܪܨܐ. ܘܨܡ ܐܪܒܥܝܢ ܐܝܡܡܝܢ ܘܐܪܒܥܝܢ ܠܝܠܘܢ، ܐ̄ܚܪܝܬܼ ܕܝܢ ܟܦܢ. ܘܩܪܒܼ ܗܘ
ܕܡܢܣܐ ܘܐܡܪ ܠܗ: ܐܢ ܒܪܗ ܐܢ̄ܬ ܕܐܠܗܐ، ܐܡܪ ܕܗܠܝܢ ܟܐܦ̈ܐ ܢܗܘܝܢ ܠܚܡܐ. ܗܘ ܕܝܢ
ܥܢܐ ܘܐܡܪ: ܟܬܼܝܒܼ ܕܠܐ ܗ̄ܘܐ ܒܠܚܡܐ ܒܠܚܘܕ ܚܝ̈ܐ ܒܪܢܫܐ، ܐܠܐ ܒܟܼܠ ܡܠܐ ܕܢܦܩܐ
ܡܢ ܦܘܡܗ ܕܐܠܗܐ. ܗܝܕܝܢ ܕܲܒܼܪܗ ܐܟܼܠܩܪܨܐ ܠܡܕܝܢܬܼ ܩܘܕܫܐ ܘܐܩܝܡܗ ܥܠ ܟܸܢܦܐ
ܕܗܝܟܠܐ ܘܐܡܪ ܠܗ: ܐܢ ܒܪܗ ܐܢ̄ܬ ܕܐܠܗܐ ܫܕܝܼ ܢܦ̮ܫܟܼ ܠܬܚܬ ܟܬܼܝܒܼ ܓܝܪ
ܕܠܡܠܐܟܼܗܘܝ ܢܦܩܕ ܥܠܝܟ ܘܥܠ ܐܝܕܝܗܘܢ ܢܫܩܠܘܢܟܼ ܕܠܐ ܬܬܩܠ ܒܟܐܦܐ ܪܓܼܠܟܼ. ܐܡܪ
ܠܗ ܝܫܘܥ: ܬܘܒܼ ܟܬܼܝܒܼ ܕܠܐ ܬܢܣܐ ܠܡܪܝܐ ܐܠܗܟܼ. ܬܘܒܼ ܕܒܼܪܗ ܐܟܼܠܩܪܨܐ ܠܛܘܪܐ
ܕܛܒܼ ܪܡ ܘܚܘܝܗ ܟܠܗܝܢ ܡܠܟܘܵܬܼܵܐ ܕܥܠܡܐ ܘܫܘܒܼܚܝܗܝܢ ܘܐܡܪ ܠܗ: ܗܠܝܢ ܟܠܗܝܢ ܠܟܼ
ܐܬܠ ܐܢ ܬܦܠ ܬܣܓܘܕ ܠܝ. ܗܝܕܝܢ ܐܡܪ ܠܗ ܝܫܘܥ: ܙܠ ܠܟܼ ܣܛܢܐ ܟܬܼܝܒܼ ܓܝܪ ܕܠܡܪܝܐ
ܐܠܗܟܼ ܬܣܓܘܕ ܘܠܗ ܒܠܚܘܕܗܝ ܬܦܠܘܚ. ܗܝܕܝܢ ܫܒܼܩܗ ܐܟܼܠܩܪܨܐ ܘܗܐ ܡܠܐܟ̈ܐ ܩܪܒܼܘ
ܘܡܫܡܫܝܢ ܗ̄ܘܘ ܠܗ.
ܦܘܫܩܐ
ܪܘܚܐ ܕܲܢܚܸܬ ܥܠ ܝܫܘܥ ܒܝܘܡܐ ܕܥܡܕܐ، ܐܕܝܘ ܝܘܡܐ ܢܵܒܘܿܠܹܐ ܠܹܗ ܥܠ ܡܕܲܒܪܵܐ
ܒܲܪܝܼܵܐ ܬܕ ܦܝܫ ܡܓ̰ܘܼܪܒܵܐ ܡܢ ܐܵܟܼܠܩܲܪܨܵܐ ܣܛܢܐ. ܢܣܝܘܢܐ ـ ܓ̰ܘܪܒܐ،(ܢܣܝܘܢܐ
ـ ܓ̰ܘܪܒܐ ܐܝܠܝ ܠܐ ܬܐ ܡܦܘܠܐ ܒܪܢܫܐ ܐܠܐ ܬܐ ܡܩܘܝܐ ܘܡܙܟܼܘܡܐ ܘܝܗܒܠܐ ܚܝܠܐ
ܠܦܪܨܘܦܐ ܕܗܘܐ ܚܨܪ ܒܕܥܬܝܕ ܠܢܝܫܢ ܕܝܠܗ ܒܩܝܡܐ ܒܓܘܗ). ܒܬܪ ܡܐ ܕܨܡܠܗ ܐܪܒܥܝܢ
ܝܘܡܝܢ.
ܐܪܒܥܝܢ، ܐܝܠܐ ܡܢܝܢܐ ܕܡܚܨ݁ܪܬܐ ܘܢܣܝܘܢܐ ܠܡܛܝܐ ܠܢܝܫܢ. ܒܢܝ ܝܣܪܝܠ ܦܫܠܝ ܐܪܒܥܝܢ
ܫܢܝܢ ܒܓܘ ܒܪܝܐ ܡܩܕ̄ܡ ܕܥܒܼܪܝܘܐ ܠܐܪܥܐ ܕܡܘܠܟܢܐ. ܡܘܫܐ ܨܡܠܗ ܐܪܒܥܝܢ ܝܘܡܝܢ
ܘܠܝܠܝܢ ܡܩܕ̄ܡ ܝܗܒܠ ܐܠܗܐ ܦܘܩܕܢ̈ܐ ܕܐܠܗܐ، ܡܘܫܐ ܟܨܝܡܘܐ ܕܡܪܚܩܘܐ ܚܡܬܐ ܕܐܠܗܐ
ܡܢ ܥܡܐ ܚܛܝܐ. ܐܦ ܝܫܘܥ ܨܡܠܗ ܡܩܕ̄ܡ ܕܸܡܫܵܪܹܗ ܫܠܝܚܘܬܐ ܕܟܪܘܙܘܬܐ ܕܐܘܢܓܠܝܘܢ
ܘܛܥܢ ܚܛܝܬܐ ܕܥܠܡܐ.
ܟܕ ܨܡܠܗ ܝܫܘܥ ܦܫܠܗ ܡܓ̰ܘܪܒܐ ܡܢ ܣܛܢܐ ܒܓܘ ܒܪܝܐ. ܒܪܝܐ ܕܝܠܗ݁ ܕܘܟܬܐ ܕܟܥܡܪ ܒܗ݁
ܣܛܢܐ ܘܕܘܟܬܐ ܕܦܫܠܝ ܡܓܘܪ̈ܒܐ ܒܢܝ ܝܣܪܝܠ. ܠܗܢܐ ܒܪܝܐ ܐܝܠܗ ܕܘܟܬܐ ܛܒܼܬܐ ܬܐ
ܝܫܘܥ ܕܙܵܟܹܐ ܕܓܼܵܠܸܒ ܥܠ ܣܛܢܐ ܘܒܝܫܬܐ.
ܓ̰ܘܼܪܵܒܵܐ ܕܣܛܢܐ ܕܝܠܗ ܡܓ̰ܪܘܒܹܐ ܝܫܘܥ ܐܝܘܐ ܡܓ̰ܘܪܒܗܝܢ ܡܩܕܡ ܡܢܗ ܠܥܡܐ ܒܢܝ
ܝܣܪܝܠ ܟܕ ܐܝܘܐ ܦܝܫܝ ܒܓܘ ܒܪܝܐ ܐܪܒܥܝܢ ܫܢܝܢ.
ܦܘܼܪܫܵܢܵܐ ܕܐܝܬ ܒܝܢܝ ܗܠܝܢ ܢܣܝܘܢ̈ܐ ܕܥܡܐ ܕܒܢܝ ܝܣܪܝܠ ܗܠܝܢ ܢܦܠܝ ܘܠܐ ܗܘܠܒܝ
ܥܠ ܢܣܝܘܢܐ ܘܗܪܟܐ ܐܠܗܐ ܟܡܓܪܒܘܠܝ ܬܕ ܡܚܙܝܘܐ ܐܡܝܢܘܬܐ ܬܐ ܐܠܗܐ ܐܠܐ ܐܝܟ ܟܝܡܪ
ܡܪܝ ܦܘܠܘܣ ܢܦܠܝ ܒܒܪܝܐ.
ܒܓܘܪܒܐ ܕܝܫܘܥ ܣܛܢܐ ܒܓܝܢܗ ܟܡܓܪܒܘܠܝ ܘܝܫܘܥ ܓܼܠܒܠܗ ܐܠܗ ܡܣܒܒ ܐܝܘܐ ܐܡܝܢܐ ܠܒܒܗ
ܫܡܝܢܝܐ.
ܟܕ ܟܡܓܪܒܘܠܗ ܣܛܢܐ ܟܝܡܪܘܐ ܐܢ ܕܝܘܬ ܒܪܘܢܐ ܕܐܠܗܐ، ܘܐܡܪ ܠܗ:
ܐܢ ܒܪܗ ܐܢ̄ܬ ܕܐܠܗܐ، ܐܡܪ ܕܗܠܝܢ ܟܐܦ̈ܐ ܢܗܘܝܢ
ܠܚܡܐ... ܐܢ ܒܪܗ ܐܢ̄ܬ ܕܐܠܗܐ ܫܕܝܼ ܢܦ̮ܫܟܼ ܠܬܚܬ... ܗܠܝܢ ܟܠܗܝܢ ܠܟܼ ܐܬܠ ܐܢ
ܬܦܠ ܬܣܓܘܕ ܠܝ...
ܩܕ̄ܡܝܐ ܒܟܬܒܐ ܩܕܝܫܐ ܟܠܝ ܒܢܝ ܝܣܪܝܠ ܟܦܝܫܝܘܐ ܩܪ̈ܝܐ ܒܪܘܢܐ ܕܐܠܗܐ ܐܝܟ ܕܗܐ
ܩܪܘܟ ܓܝܢܢ ܒܡܥܡܘܕܝܬܐ ܝܠܐ ܕܐܠܗܐ.
ܒܢܣܝܘܢ̈ܐ، ܝܫܘܥ ܐܬܗ ܗܝܡܢܘܬܐ ܫܡܸܠܬܐ ܓܵܡܸܠ ܒܓܘ ܒܒܗ ܫܡܝܢܐ ܘܫܘܩܠܗ ܟܠ ܡܢܕܝ
ܕܥܠܡܐ ܡܩܪܘܒܠܗ ܛܠܗ ܡܢ ܒܲܣܸܡܘܵܬܼܵܐ ܡܣܒܒ ܝܫܘܥ ܟܒܐ ܒܣ ܫܡܫ ܐܠܗܐ.
******************************************
