ما نسينه... 

ردنه ننسه..

وبمحبتكُم نسينه الدنيا كلهه

يلـّي شجرة انتو بعشگكم

وحِنه صرنه الماي أِلههْ

 

رِدنه نفرَح..

رِحنه جـِبنه البسمه

من لِعِب البلابِل

 

رِدنه نعشـَگ...

صار أصفى العشِگ

من ماي الجداوِل...

 

ردنه نشمي او مانِرِد

ردنه نِعتب عالورِد

ردنه نسهَر للفجر

ردنه بس نكتب شِعر

ردنه نعشگ غيركم

ردنه نصحى ابليلكم

ردنه نتلگه الشمس

وبفرح ليلة عِرس

 

ردنه..

حُبنه ايصير بس لِعِب أو وناسه

ونتو تدرون

أبمحبتكم الوِنسـّه

ردنه نِنسه....

 

كاظم آل مبارك الوائلي

Kadhim1972@yahoo.com